دليلك المختصر لإنشاء موقع ويب ناجح

كيف تنشئ موقع ناجح على الإنترنت ؟

اعرف هدفك من إنشاء موقع 

من المهم جدا فى اى خطوة فى حياتك تعرف ليه بتعملها, مش بس تعرف  الهدف من إنشاء موقع الكرتونى, لان ببساطة من خلال معرفتك لهدفك من إنشاء  الموقع حتقدر, تحدد خطة عملك, الى حتمشى عليها, وكمان حتقدر تقيم ادائك واداء موقعك اذا كنت قدرت تحقق هدفك من إنشاءه او لا, تطبيقا  على إنشاء الموقع , اتصور ان الهدف من إنشاء موقع إلكترونى إما 1- تحقيق ربح من خلال الموقع (هدف تجارى)2- ليصبح الموقع منصة لعرض افكار او معلومات ما (هدف غير تجارى) فى الحالة دى غالبا, اغلب الاشخاص او المنظمات الى بيكون الهدف الثانى هدفهم من انشاء الموقع, بيفضلوا عدم الاعتماد على انفسهم والاستعانة بمتخصصين لإنشاء الموقع من الالف للياء, لذلك فالمقالة دى موجهة لاصحاب الهدف الاول

انجح فى تحدد مجال موقعك ببساطة

 الراغبين فى انشاء موقع للربح منه  يمكن تقسيمهم لمجموعتين

 المجموعة الاولى, عندهم خبرة فى مجال ما او عدة مجالات ودول غالبا فى سن فوق ال22 سنة بحد ادنى, وهنا بيكون قدامهم خطوة واحدة لاختيار مجال الموقع, وهو التأكد ان مجال خبرتهم دا له سوق على الانترنت ( مستخدمين انترنت مهتمين بالمجال دا ممكن يكونوا زوار محتمالين لموقعه) ودا بيتم عن طريقين الاول اداة الكلمات المفتاحية الخاصة بجوجل, تقدر تدخل لها عن طريق البحث عن  keyword planner   ودا شرح استخدام الاداة بالفيديو http://goo.gl/RHfkXY  ومن خلالها بتقدر تعرف حجم البحث الشهر  على مجال معين, الطريقة الثانية الدخول لادارة الاعلانات على الفيس بوك وكأنك  بتنشئ حملة إعلانية جديدة وحتقوم بإستهداف الجمهور عن طريق الاهتمام و فى الاهتمام حتحدد  مجالك وتقدر من خلال الطريقة دى تعرف عدد يوزرات الفيس بوك المهتمين بمجالك ومن خلال الطريقتين دول تكون عرفت عدد المهتمين بمجالك على محرك البحث جوجل وعلى الفيس بوك, واذا وجدت لهذا المجال جمهور كبير بالاضافة لان لك خبرة كويسة فيه و حتقدر تصنع محتوى عالى الجودة هنا نقدر نبارك لك انك حددت مجال موقعك, وخلصت خطوة  كتير من الراغبين فى انشاء موقع الكترونى مانجحوش فيها

المجموعة الثانية وهى مجموعة ملهاش خبرة فى مجال ما ودا غالبا بيرجع لصغر السن, او لاسباب تانية, وهنا لتحديد مجال موقعك, حنستخدم طريقة معكوسة وهى ان اننا حندور على الكلمات المفتاحية ذات البحث العالى والـ cpc عالى  وبعد كدا من خلال البحث نكون معلومات عنها بحيث نقدر نصنع محتوى جيد , وانصح  بمراجعة المقالين دول  لعمل Keyword Research  1- http://goo.gl/8EXpIl 2- http://goo.gl/LqE7K5

وبكدا نوصل للانتهاء من تحديد مجال موقعك, وبعدين

-          المهارات المطلوبة لإنشاء موقع ناجح على الانترنت ( المهارات المطلوبة لتكون ويب ماستر ناجح)

سواء كنت حتعتمد على مجهودك الشخصى فى كل المهام المطلوبة فى موقعك, فأحنا اكيد متفقين ان لازم تبقى ملم بالمهارات المطلوبة لإنشاء موقع ناجح على الانترنت ولو حتعتمد على فىرى لانسر او موظفين بشكل كلى او جزئى فى موقعك, اتصور ان لازم يكون عندك المام بنفس المهارات دى, لان الـ ceo مش  مجرد كلمة بتتكتب فى خانة الوظيفة على الفيس بوك للمنظرة.

- اى موقع على الانترنت بكون على منصة تدوين من المنصات المشهورة او بيكون ببرمجة خاصة لادارة المحتوى, وبيكون فى محتوى مكتوب و مصور و فيديو بيتعرض بلغة من اللغات, والموقع الجديد  مصادر زواره اما من خلال محركات البحث او من خلال السوشيال ميديا المختلفة الى اهمها بالترتيب 1- تويتر 2- جوجل بلاس 3 فيس بوك, ومن خلال معرفتنا بالنقطة دى بنحدد المهارات الاساسية اللازمة لاى ويب ماستر ناجح, وبالطبع هنا احنا ماتعرضناش للمهارات العامة ولا المهارات الشخصية الى بتأثر بصورة كبيرة على نجاحك, فقط بنتكلم على المهارات التقنية, الى جانب عرضنا للمهارات دى من خلال المقالة حنحاول نوفر بعض المصادر لتعلم المهارات دى, وتقدروا تدوروا اكتر للوصول لمصادر تانية.

اولا: مهارات لازمة لصناعة المحتوى

1-             اجادة لغة كتابة المحتوى

فمن غير المتصور ان تنشئ موقع محتواه انجليزى وتعتمد على نفسك فى كتابة المحتوى وانت لا تجيد الانجليزىة, من الفيديوهات المفيدة بخصوص كتابة المحتوى الفيديو دا https://goo.gl/zX4Cdg لرضوى رشاد 

2-             الالمام بمجال موقعك

سواء عندك معلومات وخبرة كبيرة او قليلة عن مجال موقعك فلازم تبحث باستمرار حول مجالك, لان مطلوب منك تقدم محتوى للزائر فريد  مش موجود فى موقع اخر بنسبة كبيرة, وعشان دا يحصل لازم تقتل مجالك بحث وتدوير

عشان يكون موقعك مميز والزائر يدخل موقعك ولما يدخل الموقع لا يشعر بالندم ويكرر زيارة موقعك لازم المحتوى يكون حصرى, المحتوى الحصرى بالنسبة للزائر وليس المحتوى الحصرى لمحرك البحث, فقد تعيد صياغة مقالة بالكامل فهذا محتوى حصرى لمحرك البحث ولكنه غير حصرى بالنسبة للزائر, لانك لم تضف له معلومة جديدة

3-اجادة تحرير الصور

ودى مهارة لازمة لك لتدعيم محتوى موقعك المكتوب بالصور والانفوجرافك , بالطبع دا بيتم من خلال برنامج الفوتوشوب, وتقدر تتعلمه من هنا https://goo.gl/R34aHg 

4-اجادة تحرير الفيديو

وهى مهارة لازمة لصناعة محتوى بالفيديو لعرضه على موقعك او على السوشيال ميديا للترويج لموقعك, من خلال الرابط التالى تقدر تتعلم برنامج Adobe Premiere    https://goo.gl/jha0yV  وكمان دى دورة اخرى للمبتدئين فى البرنامج  https://goo.gl/XSGkFI من خلال الرابط التالى تقدر تتعلم برنامج adobe after effects https://goo.gl/EsIQ7d  بشرح فيديو عالى الجودة وبالاضافة لسلسلة اخرى من شروحات لنفس البرنامج http://goo.gl/kz1LPV 

ثانيا: المهارات اللازمة للتسويق لموقعك الالكترونى

1- تعلم السيو لإنشاء موقع ناجح 

 السيو هو الالية الى من خلالها تقدر تحصل على زوار من من محركات البحث, اذا قمت بتهيئة موقعك بصورة صحيحة والخطوة الاولى لتعلمك للسيو من دليل جوجل لتحسين محركات البحث للمبتدئين  https://goo.gl/wg31Nx وكمان تقدر تراجع بوست فيس بوك بيشير للكثير جدا من المراجع لتعلم السيو  خطوة بخطوة ولكن باللغة الانجليزية https://goo.gl/bm0rDZ  وبالطبع من افيد الدورات الى ممكن تتباعها بالعربى دورة ماستر سيو من خلال الرابط التالى https://goo.gl/gVzhmn  

2- مواقع التواصل الاجتماعى ضرورية لارتباط الزائر بموقعك

اغلب المواقع مواقع غير تفاعلية, مجرد مقالة او تدوينة من محرر الموقع, يقوم الزائر بقرائتها, وكلاهما منفصل عن الاخر, وعشان يحصل تواصل حقيقة وارتباط بين الزائر والموقع فدا دور المواقع التواصل الاجتماعى, وافضل مصدر وجدته يساعدك فى تعلم السوشيال ميديا هو مقالة باللغة الانجليزية بتشير لاكتر من 40 مصدر لتعلم السوشيال ميديا 

http://goo.gl/dZSBz5 

-   نصائح لإنشاء موقع ويب ناجح

-         الصبر جميل :- مجال الانترنت ماركتنج والعمل من خلال الانترنت, من اكتر المجالات, الجاذبة لالاف الراغبين فى العمل فيها يوميا ومن ناحية اخرى فى الاف بيخرجوا من المجال يوميا وبيفشلوا فى الوصول لنتائج مرضية من خلاله, ودا لان نفسهم قصير, بوبالمناسبة مهم التوضيح  ان الاشخاص العرب الاكثر ربحا من الانترنت حصلو على مبالغ ضئيلة جدا او لم يحصلو على شئ فى الشهور الستة الاولى لعملهم عبر الانترنت, ودا الى بيخلينا نقول الصبر جميل

- تابع المواقع المميزة:- ابحث عن موقع متميز على السوشيال ميديا واليوزر بيتفاعل معاه بصورة كبيرة  واستمر فى ملاحظته ومتابعته ودور عن سبب دا, ابحث عن موقع بيتصدر نتائج البحث واستمر فى ملاحظته ومتابعه دور عن اسراره لتصدر نتائج البحث, ابحث موقع الباونس ريت فيه قليل واستمر فى ملاحظته واعرف ايه المميز فى محتواه الى بيخلى مدة بقاء الزائر فى الموقع طويلة

- كنت اود الاشارة لمواقع نجحت فى تحقيق نجاح سريع منذ انشائها و نجحت باستخدام الـ 

Growth hacking لتكون ملهمة للقارئ, لكن يبدو ان هذا لن يحدث الا فى مقالة جديدة فى مدونة دليل المبتدئ لإنشاء موقع الكترونى ناجح تابعونا  لمعرفة كل جديد